Янгиликлар
Термиз шаҳрида Миллий гвардия Сурхондарё вилояти "Қўриқлаш" бошқармаси раҳбарияти, Миллий гвардия Шахсий хавфсизлик бўлими, Термиз ҳарбий прокуратураси, ДХХ ҳамда диний идора вакиллари бошчилигида хизмат интизомини мустаҳкамлашга қаратилган муҳокама йиғилиши ўтказилди.
Ҳудудларда жиноятчилик ва ҳуқуқбузарликларнинг олдини олиш, жисмоний ва юридик шахсларнинг мол-мулкларини ишончли қўриқлашни таъминлашда замонавий қўриқлаш сигнализация ускуналаридан фойдаланишни тарғиб қилиш мақсадида ўтказилаётган профилактик ишлар давомида фуқароларга "Қўриқлаш" хизмати афзалликларидан фойдаланиш, соҳага киритилаётган ўзгартиришлар ва яратилаётган қулайликлар борасида тушунчалар берилмоқда.
Куни кеча Жиззах вилояти "Қўриқлаш" бошқармаси Пахтакор тумани "Қўриқлаш" бўлими ҳамда туман Мактабгача ва мактаб таълими бўлими билан ҳамкорликда идоравий қоровуллик бўлинмалари ишчи хизматчиларининг хизмат фаолиятини тартибга солиш ҳамда уларнинг малака-кўникмаларини ошириш, хизмат ўташдаги мажбуриятлари, ваколатларини чуқур англатиш мақсадида учрашув ўтказилди.
Барчамизга маълумки, бугунги кунда ҳаётимизни ижтимоий тармоқларсиз тасаввур қилиш қийин. Банк пластик карталари билан фойдаланиш эса ҳаётимизнинг ажралмас қисмига айланиб улгурган. Мазкур йўналишда кибержиноятларнинг содир этилиши эса юртдошларимизга чин маънода муаммоларни келтириб чиқармоқда. Ушбу тармоқ бўйича янгиликларни шахсий таркибга етказиш мақсадида ИИВ Тезкор-қидирув департаменти Киберхавфсизлик Маркази, Вилоят ИИБ Киберхавфсизлик бўлими, Ўзбекистон Республикаси Марказий банки киберхавфсизлик маркази масъуллари "Қўриқлаш" бошқармасида бўлдилар.
Шахсий таркиб ўртасида хизмат интизоми ва қонунчиликни мустаҳкамлаш, қонун бузилиши ҳолатларига нисбатан муросасиз муносабатда бўлиш муҳитини яратиш, турли хилдаги кўнгилсиз ҳолатлар содир этилишининг олдини олиш борасидаги ишлар ҳамда Ҳуқуқбузарликлар профилактикаси куни доирасида Миллий гвардия Фарғона вилояти "Қўриқлаш" бошқармасида хизмат қилаётган шахсий таркиби иштирокида профилактик тадбир ташкил этилди.
Давлатимиз раҳбари томонидан ижтимоий соҳалар йўналишларида белгилаб берилган устувор вазифаларнинг амалий ижросини таъминлаш мақсадида умумтаълим мактабларида давомат ва хавфсизлик масаласи бўйича Миллий гвардия томонидан таъминлаб борилиши кўзда тутилган.
Хоразм вилояти "Қўриқлаш" бошқармаси масъул ходимлари иштирокида Қўшкўпир туманида жойлашган таълим муассасалари, давлат идоралари ва корхона ташкилотлардаги хизмат олиб бораётган идоравий қоровуллик бўлинмалари ишчи-хизматчилари билан учрашув ўтказилди.
Жисмоний ва юридик шахсларнинг мол-мулклари хавфсизлигини таъминлаш борасида Миллий гвардия "Қўриқлаш" бош бошқармаси ва унинг ҳудудий бўлинмалари ходимлари томонидан фуқароларимиз хонадонлари, бозор ва савдо марказлари ҳамда дорихоналарда тарғибот тадбирлари олиб борилмоқда.