Янгиликлар

Фарғона минтақавий ўқув маркази ташаббуси ҳамда Фарғона шаҳридаги 23-сонли умумтаълим мактаби қошида ташкил этилган ёзги оромгоҳда таътилни ўтказаётган ёшлар иштирокида “Долзарб 90 кун” лойиҳаси доирасида ватанпарварлик руҳидаги амалий тадбирлар ташкил этилди.

Тадбир доирасида ўқувчи-ёшлар ўқув маркази инфратузилмаси ва бу ерда хизмат қилаётган тингловчи ва ҳарбийларга яратилган замонавий шарт-шароитлар билан яқиндан танишди. Жумладан, кутубхона фонди, спорт-инфратузилма, жанговар тайёргарлик машғулотлари учун мўлжалланган зал, жанговар отиш тиридан ўрин олган қурол-аслаҳалар намойиши ташкил этилди.

Шунингдек, ёшлар ўртасида шахмат-шашка мусобақалари, жамоавий ўйинлар, психологик тренинг машғулотлари ўтказилиб, уларда ватанни севиш, тинчлик ва хавфсизликнинг қадрини англашга қаратилган ғоялар сингдирилди.

Ушбу тадбир ёшлар қалбида Ватанга муҳаббат, ел-юртини ҳимоя қилишга бўлган масъулият ва ҳарбий хизматга қизиқиш туйғуларини янада мустаҳкамлашга хизмат қилди.