Янгиликлар
Миллий гвардия Бухоро ҳамда Андижон вилоятлари "Қўриқлаш" бошқармаларида ИИБ ЙҲХБ масъуллари ҳамкорлигида тарғибот тадбирлари ўтказилди. Тадбирлар аввалида кун мавзуси юзасидан малакали мутахассислар томонидан керакли маълумотлар етказилиб, йўриқномага асосан йўл ҳаракати қоидаларига киритилган ўзгартириш ҳамда қўшимчалар бўйича тушунчалар берилди.
Ходимларнинг дам олиш кунлари ҳамда ишдан бўш вақтларини мазмунли ўтказиш, уларнинг тарихий билим ва кўникмаларини мустаҳкамлаб бориш ҳамда ноёб меъморий обидалар ва ҳунармандчилик санъати билан яқиндан таништириш мақсадида диққатга сазовор масканларга саёҳатлар ва турли тадбирлар амалга оширилиб келинмоқда.
Миллий гвардия Хоразм вилояти "Қўриқлаш" бошқармаси шахсий таркиби учун ташкил этилган давра суҳбати қимматли маълумотларга бой тарзда ўтди. Тадбирда ходимлар орасида маърифат ва таълимнинг аҳамияти, жамиятдаги ижтимоий-ахлоқий муаммоларга қарши курашиш йўллари муҳокама қилинди. Давра суҳбати жараёнида, маърузачилар ва мутахассислар таълим олишнинг муҳимлиги, ёшларнинг қалбида маънавий ва ахлоқий қадриятларни шакллантириш ҳамда уларни жаҳолат ва салбий таъсирлардан ҳимоя қилишга қаратилган замонавий усуллар ҳақида ўз қарашларини билдиришди.
Куни кеча Миллий гвардия Андижон вилояти "Қўриқлаш" бошқармаси ходимлари учун ҳуқуқбузарликлар профилактикаси куни доирасида учрашув ташкил этилди. Ушбу тадбирнинг мақсади шахсий таркибнинг хизмат интизомини мустаҳкамлаш, жиноятчилик ва ҳуқуқбузарликларнинг олдини олиш, шунингдек, Йўл ҳаракати қоидаларига амал қилиш бўйича хабардорликни оширишдан иборат бўлди.
Ўзбекистон Республикаси Миллий гвардияси ҳамда Мактабгача ва мактаб таълими вазирлиги ҳамкорлигида таълим муассасаларида фаолият олиб бораётган идоравий қоровуллик бўлинмалари ишчи-хизматчиларининг малакасини ошириш мақсадида ўқув-семинари ўтказиб келинмоқда. Мазкур ўқув-семинарида мутахассислар, хизмат ҳужжатларини тегишли буйруқ талаблари асосида юритиш ҳамда белгиланган тартибда хизмат вазифаларини олиб боришлари бўйича маълумотлар бериб ўтмоқда. Амалий машғулотлар давомида эса тингловчилар, муассасага кириб келувчиларни ичкарига киритиш, қўриқлаш техник ва ҳимоя воситаларидан тўғри фойдаланиш ҳамда тез тиббий ёрдам кўрсатиш юзасидан билим ва кўникмаларга эга бўлишмоқда.
Хабарингиз бор, республикамиз бўйлаб “Яшил макон” лойиҳасининг кузги мавсумига старт берилиб, ҳудудларда кўчат экиш тадбирлари амалга оширилмоқда.
Миллий гвардия тизимидаги инспектор-психологлар ҳамда янги тизимдаги мактаб қоровулларининг хизмат фаолиятини янада такомиллаштиришга қаратилган ўқув-семинарига бугундан старт берилди.
Ёшларнинг бўш вақтларини мазмунли ўтказиш, улар орасида соғлом турмуш тарзини тарғиб қилиш ҳамда ватанпарварлик руҳида тарбиялаш мақсадида Миллий гвардия Қорақалпоғистон Республикаси Минтақавий ўқув марказида Нукус шаҳридаги 50-сонли умумий ўрта таълим мактаби ўқувчилари учун очиқ эшиклар куни уюштирилди.