Янгиликлар
Миллий гвардия Бухоро вилояти "Қўриқлаш" бошқармаси ходимлари томонидан 19 сонли мактаб ўқувчиларининг бўш вақтларини мазмунли ўтказиш мақсадида Ички ишлар вазирлигига қарашли “Жасорат” тарихий музейига саёҳат ташкил этилди.
Хоразм вилояти "Қўриқлаш" бошқармаси ташаббуси билан ёшларнинг бўш вақтларини мазмунли ташкил этиш, уларни ҳарбий-ватанпарварлик руҳида тарбиялаш борасида Қўшкўпир ва Шовот туманларида “Ватанга содиқ ёшлар” шиори остида йиғини ўтказилди.
Шахсий таркиб ва уларнинг оила аъзолари онгида тарихимиз, миллий анъаналаримиз ва урф одатларимизга чуқур ҳурмат ва эҳтиромни юксалтириш, ижодий ташаббускорликларини шакллантириб, улар орасида соғлом рақобат муҳитини қарор топтириш ва соғлом турмуш тарзини тарғиб қилиш ҳамда оила институтини мустаҳкамлаш мақсадида, Миллий гвардия Бухоро ҳамда Самарқанд вилоятлари бўйича бошқармалари ҳамда "Қўриқлаш" бошқармалари ҳарбий хизматчи ва ходимлари ўртасида "Ибратли ҳарбийлар оиласи" кўрик-танловининг вилоят босқичлари бўлиб ўтди.
Бугунги кунда юртимизда аждодларимиздан мерос бўлиб қолган миллий ўйинлар, урф-одат ва қадриятларни ёшлар ўртасида оммалаштириш, мазкур йўналишда уларни фаол жалб этиш ишларига алоҳида эътибор қаратилмоқда. Жумладан, ҳудудларда ўтказилаётган ватанпарварлик тадбирларида бу борадаги ишлар яққол намоён бўлмоқда.
Бошқарув жараёнида раҳбар ва ходимлар ўртасидаги ўзаро муносабатларни яхшилаш ва улар орасида илиқ муносабатларни шакллантириш мақсадида Самарқанд, Навоий ҳамда Жиззах вилоятлар "Қўриқлаш" бошқармалари шахсий таркиблари иштирокида психологик учрашувлар ва тренинглар ташкил этилди.
Ўқувчи ёшларни Ватанга муҳаббат, ҳарбий бурчга садоқат руҳида тарбиялаш, улар орасида соғлом турмуш тарзини тарғиб қилиш, қолаверса, ташаббускор, шижоатли ёшларни бирлаштириш, уларнинг интеллектуал ва ижодий салоҳиятини рўёбга чиқариш мақсадида Миллий гвардия Тошкент вилояти бўйича бошқармаси ҳамда "Қўриқлаш" бошқармаси, шунингдек ҳамкор ташкилотлар билан биргаликда “Ёш гвардиячи” ҳарбий-спорт мусобақасининг вилоят босқичи бўлиб ўтди.
Куни кеча Миллий гвардиянинг минтақавий ўқув марказлари тингловчиларининг навбатдаги битирув ҳамда қасамёд қилиш тадбирлари бўлиб ўтди.
Ўзбекистон Ёшлар иттифоқи Сирдарё вилояти Кенгаши, Миллий гвардия Сирдарё вилояти бўйича бошқармаси, вилоят Ёшлар ишлари бошқармаси билан ҳамкорликда ёш ҳарбий хизматчилар ҳамда ходимларнинг миллий давлатчилигимиз вужудга келиши ва тараққий топган даврларда ҳарбий соҳада эришилган ютуқлар шон-шуҳратини тарихий далиллар асосида замондошлар онги-хотирасида мустаҳкамлаш ва ёш авлодга етказиш мақсадида куч тузилмалардаги ҳарбий қисм ва муассасалардан тузилган жамоалар ўртасида “Аждодлар изидан” интеллектуал ўйинининг вилоят босқичи ўтказилди.