Янгиликлар
Тошкент вилояти ҳудудида Камондан отиш спортини ривожлантириш ва оммалаштириш, ёшларни жаҳон чемпионатлари ва бошқа йирик мусобақаларда муносиб иштирок этишини таъминлашда, аввало иқтидорли ёшлардан иборат бўлган спортчиларимиз ва тажрибали мураббийлар сафини кенгайтириш мақсадида, куни кеча Миллий гвардия Тошкент вилояти Қўриқлаш бошқармаси бошлиғи ҳузурида секция мураббийлари иштирокида йиғилиш бўлиб ўтди.
Жорий йилнинг 15 октябрь куни Жиззах минтақавий ўқув марказида таҳсил олаётган тингловчилар ўртасида Ўзбекистон Республикасининг «Давлат тили ҳақида»ги Қонуни қабул қилинганлигининг 32 йиллиги муносабати билан қувноқлар ва зукколар маданий тадбири ўтказилди.
Куни кеча Тошкент шаҳар Қўриқлаш бошқармаси психологлари томонидан Тошкент шаҳрида жойлашган 23-сонли Меҳрибонлик уйи тарбияланувчилари билан суҳбат ўтказдилар. Тарбияланувчиларга, қайси соҳани танлашларидан қатъий назар, уни чуқур ўрганиб, яхши ўзлаштиришлари, яхши ўқиб, билим эгаллашлари лозимлиги тушунтирилди.
Жорий йилнинг 14 октябрь куни Ўзбекистон Республикаси Миллий гвардияси Марказий девони Моддий техника таъминоти бошқармаси Автомобиль инспекцияси бошлиғи подполковник М.Халилов, ҳамда Қўриқлаш бош бошқармаси Моддий техника таъминоти бўлими катта мутахассиси лейтенант С.Халиловлар иштирокида, Самарқанд вилояти Қўриқлаш бошқармасига тегишли бўлган барча автотранспорт воситалари йиллик техник кўрикдан ўтказилди.
Жорий йилнинг 16 октябрь куни Тошкент вилоятининг Чирчиқ шаҳридаги ҳарбий полигонда, мамлакатимизда илк маротаба Функционал кўпкураш федерацияси, Миллий гвардия, Мудофаа ва Ички ишлар вазирликлари ҳамкорлигида, "UZBEK RACE" тўсиқларни енгиб ўтиш бўйича пойга мусобақаси бўлиб ўтди.
Миллий гвардия Ихтисослаштирилган ўқув марказида етим ва ота-она қарамоғидан маҳрум бўлган болалардаги эмоционал ва руҳий ҳолатида бўладиган ўзгаришларни ўз вақтида аниқлаш профилактикаси юзасидан “Меҳр кучли бўлиши керак, куч эса Меҳрда” мавзусида амалий семинар машғулоти бўлиб ўтди.
Жорий йилнинг 14 октябрь санасида Самарқанд шаҳрида жойлашган "Динамо" ўйингоҳида Камондан отиш бўйича Миллий гвардия Самарқанд вилояти Қўриқлаш бошқармаси бошлиғи кубоги мусобақаси бўлиб ўтди.