Yangiliklar
Xodimlarning dam olish kunlari hamda ishdan boʻsh vaqtlarini mazmunli oʻtkazish, ularning tarixiy bilim va koʻnikmalarini mustahkamlab borish hamda noyob meʼmoriy obidalar va hunarmandchilik sanʼati bilan yaqindan tanishtirish maqsadida diqqatga sazovor maskanlarga sayohatlar va turli tadbirlar amalga oshirilib kelinmoqda.
Milliy gvardiya Xorazm viloyati "Qoʻriqlash" boshqarmasi shaxsiy tarkibi uchun tashkil etilgan davra suhbati qimmatli maʼlumotlarga boy tarzda oʻtdi. Tadbirda xodimlar orasida maʼrifat va taʼlimning ahamiyati, jamiyatdagi ijtimoiy-axloqiy muammolarga qarshi kurashish yoʻllari muhokama qilindi. Davra suhbati jarayonida, maʼruzachilar va mutaxassislar taʼlim olishning muhimligi, yoshlarning qalbida maʼnaviy va axloqiy qadriyatlarni shakllantirish hamda ularni jaholat va salbiy taʼsirlardan himoya qilishga qaratilgan zamonaviy usullar haqida oʻz qarashlarini bildirishdi.
Kuni kecha Milliy gvardiya Andijon viloyati "Qoʻriqlash" boshqarmasi xodimlari uchun huquqbuzarliklar profilaktikasi kuni doirasida uchrashuv tashkil etildi. Ushbu tadbirning maqsadi shaxsiy tarkibning xizmat intizomini mustahkamlash, jinoyatchilik va huquqbuzarliklarning oldini olish, shuningdek, Yoʻl harakati qoidalariga amal qilish boʻyicha xabardorlikni oshirishdan iborat boʻldi.
Oʻzbekiston Respublikasi Milliy gvardiyasi hamda Maktabgacha va maktab taʼlimi vazirligi hamkorligida taʼlim muassasalarida faoliyat olib borayotgan idoraviy qorovullik boʻlinmalari ishchi-xizmatchilarining malakasini oshirish maqsadida oʻquv-seminari oʻtkazib kelinmoqda. Mazkur oʻquv-seminarida mutaxassislar, xizmat hujjatlarini tegishli buyruq talablari asosida yuritish hamda belgilangan tartibda xizmat vazifalarini olib borishlari boʻyicha maʼlumotlar berib oʻtmoqda. Amaliy mashgʻulotlar davomida esa tinglovchilar, muassasaga kirib keluvchilarni ichkariga kiritish, qoʻriqlash texnik va himoya vositalaridan toʻgʻri foydalanish hamda tez tibbiy yordam koʻrsatish yuzasidan bilim va koʻnikmalarga ega boʻlishmoqda.
Xabaringiz bor, respublikamiz boʻylab “Yashil makon” loyihasining kuzgi mavsumiga start berilib, hududlarda koʻchat ekish tadbirlari amalga oshirilmoqda.
Milliy gvardiya tizimidagi inspektor-psixologlar hamda yangi tizimdagi maktab qorovullarining xizmat faoliyatini yanada takomillashtirishga qaratilgan oʻquv-seminariga bugundan start berildi.
Yoshlarning boʻsh vaqtlarini mazmunli oʻtkazish, ular orasida sogʻlom turmush tarzini targʻib qilish hamda vatanparvarlik ruhida tarbiyalash maqsadida Milliy gvardiya Qoraqalpogʻiston Respublikasi Mintaqaviy oʻquv markazida Nukus shahridagi 50-sonli umumiy oʻrta taʼlim maktabi oʻquvchilari uchun ochiq eshiklar kuni uyushtirildi.
Milliy gvardiya Samarqand viloyati boʻyicha boshqarmasi hamda viloyat "Qoʻriqlash" boshqarmasi tomonidan harbiy xizmatchi, xodimlar va ularning oila aʼzolarining dam olish kunlarini mazmunli tashkil etish maqsadida Samarqand shahridagi Oʻzbekiston madaniyati tarixi davlat muzeyiga sayohat uyushtirildi.