Янгиликлар

Фарғона вилояти Қўриқлаш бошқармаси психологлари томонидан ўтказилган мазкур тренингнинг асосий мақсади – ходимларнинг кузатувчанлигини ошириш, аналитик тафаккурини ривожлантириш ва мижозлар билан самарали мулоқот ўрнатиш орқали хизмат сифатини янада яхшилашдан иборат. Профайлинг усулларидан фойдаланиш нафақат самарали мулоқотни йўлга қўйиш, балки зиддиятли вазиятларнинг олдини олиш, мижозларнинг хулқ-атвор мотивларини тушуниш ва ишончли муносабат ўрнатишда муҳим аҳамият касб этади.
Тренинг давомида иштирокчилар реал ҳаётий мисоллар асосида профайлинг тамойилларини ўрганишди, амалий машғулотлар орқали кузатувчанлик ва таҳлилий фикрлаш кўникмаларини мустаҳкамлашди. Шунингдек, мутахассислар томонидан мижозларнинг хатти-ҳаракатларини ўқиш, мулоқот стратегияларини шакллантириш ва новербал сигналларни тўғри талқин қилиш бўйича муҳим тавсиялар берилди.
Ушбу тренинг натижасида ходимларнинг профессионал маҳорати ошди, улар хизмат фаолиятида психологик ёндашув ва профайлинг усулларидан самарали фойдаланиш бўйича амалий тажрибага эга бўлишди.