Yangiliklar
Xodimlarning xizmat faoliyati davomida profayling usullaridan foydalanish koʻnikmasini shakllantirish boʻyicha psixologik trening oʻtkazildi
Fargʻona viloyati Qoʻriqlash boshqarmasi psixologlari tomonidan oʻtkazilgan mazkur treningning asosiy maqsadi – xodimlarning kuzatuvchanligini oshirish, analitik tafakkurini rivojlantirish va mijozlar bilan samarali muloqot oʻrnatish orqali xizmat sifatini yanada yaxshilashdan iborat. Profayling usullaridan foydalanish nafaqat samarali muloqotni yoʻlga qoʻyish, balki ziddiyatli vaziyatlarning oldini olish, mijozlarning xulq-atvor motivlarini tushunish va ishonchli munosabat oʻrnatishda muhim ahamiyat kasb etadi.
Trening davomida ishtirokchilar real hayotiy misollar asosida profayling tamoyillarini oʻrganishdi, amaliy mashgʻulotlar orqali kuzatuvchanlik va tahliliy fikrlash koʻnikmalarini mustahkamlashdi. Shuningdek, mutaxassislar tomonidan mijozlarning xatti-harakatlarini oʻqish, muloqot strategiyalarini shakllantirish va noverbal signallarni toʻgʻri talqin qilish boʻyicha muhim tavsiyalar berildi.
Ushbu trening natijasida xodimlarning professional mahorati oshdi, ular xizmat faoliyatida psixologik yondashuv va profayling usullaridan samarali foydalanish boʻyicha amaliy tajribaga ega boʻlishdi.