Янгиликлар

Ёшларни ҳарбий-ватанпарварлик руҳида тарбиялаш, улар ўртасида соғлом турмуш тарзини тарғиб қилиш, ўз юрти ва халқи тақдири учун юксак масъулият ва жавобгарлик каби муҳим хислатларни шакллантириш мақсадида Фарғона вилояти Олтиариқ тумани "Қўриқлаш" бўлими, Халқ таълими бўлими ҳамда Ёшлар ишлари агентлиги билан ҳамкорликда Олтиариқ туманида жойлашган умумий ўрта таълим муассасаларининг 7 ва 8 синф ўқувчилари ўртасида “Ёш гвардиячи” ҳарбий-спорт мусобақасининг туман босқичи бўлиб ўтди.
Иштирокчилар 7 та шарт, хусусан, таништирув, саф тайёргарлиги, газга қарши махсус воситаларин кийиш, эстафета, қўл жанги усуллари намойиши, турникда тортилиш ва камондан отиш шартлари бўйича ғолиблик учун кураш олиб бордилар.
Ўзларининг шижоати ва эпчилликлари билан 31-умумтаълим мактаби ўқувчиларидан ташкил топган "Шунқорлар" жамоаси учинчи ўринни, 13-умумтаълим мактаби "Чаққонлар" жамоаси иккинчи ўринни қўлга киритган бўлса, 14-умумтаълим мактабининг "Ёш гвардиячилар" жамоаси фахрли биринчи ўринни эгаллади ҳамда вилоят босқичига йўлланмани қўлга киритишди. Якунда мусобақада иштирок этган жамоаларнинг фаол қатнашчиларига диплом ва эсдалик совғалари топширилди.