Янгиликлар

Бугун Божхона қўмитасининг Миллий кинология марказида Миллий гвардия қўмондонлиги, Божхона қўмитаси раҳбарияти, шунингдек, Россия Федерацияси, Хитой, Беларусь ва Қозоғистон республикалари ҳуқуқни муҳофаза қилувчи органлар ходимлари ҳамда кинолог-мутахассислар иштирокида Миллий гвардия кинолог-мутахассисларининг хизмат кўпкураши бўйича очиқ мусобақасининг тантанали тақдирлаш маросими бўлиб ўтди.
Дастлаб "Тўсиқларни енгиб ўтиш", "Умумий тайёргарлик", "Хизмат биатлони", "Энг яхши кинолог-мутахассис" ва "Энг яхши 4 оёқлик дўст" йўналишларида ғолиблар аниқланди.
Якуний натижаларга кўра умумжамоа ҳисобида фахрли 1 ўринни Ўзбекистон Республикаси Миллий гвардияси "Қўриқлаш" бош бошқармаси жамоаси, 2 ўринни Беларус Республикаси, 3 ўринни Хитой Халқ Республикаси жамоаси қўлга киритди.
Эслатиб ўтамиз, мусобақада 12 та жамоадан 27 нафар иштирокчи ўз маҳоратларини намойиш этган ҳолда, 5 кун давомида шартли жиноятчини ушлаш, умумий машқ, хизмат биатлони, из қидирув ҳамда тўсиқларни енгиб ўтиш шартларида беллашишди.