Янгиликлар

Наманган вилояти "Қўриқлаш" бошқармаси ҳамда шаҳар-туман "Қўриқлаш" бўлимлари шахсий таркиби орасида китобхонликни кенг тарғиб қилиш орқали она ватанга муҳаббат, хизмат бурчига садоқат хислатларни камол топтириш, ёш авлод вакилларининг китобга бўлган қизиқишларини орттириш мақсадида “Ёш китобхон” кўрик-танлови ўтказилиб, иштирокчилар 3 та шарт бўйича билимларини синовдан ўтказдилар.

"Бадиий асарлар талқини", "Мен севган адиб", "Эркин мавзу" йўналишларида ходимлар асарлардан олган таассуротларини, турли эпизодларни маҳорат билан ижро этиш орқали адабиётга қанчалик ошуфта эканлигини исботладилар.

Шартлар иштирокчилар учун қийинчилик туғдирмади, чунки ҳар бир тинчлик посбони ушбу танловдаги асарлар билан деярли таниш, қаҳрамонлари билан эса қалбан яқин бўлиб улгурган. Айниқса эркин мавзуда ижро этилган она ватанни, тинчликни, жаннатмакон Ўзбекистонни тараннум этувчи шеърлар, монологлар томошабинлар ва ҳакамлар олқишига сазовор бўлди.

Саралаш жараёнида танловда ғолибликни қўлга киритган ходимга республика босқичига йўлланма ҳамда эсдалик совғалари топширилди.