Жиззах минтақавий
Жиззах минтақавий ўқув марказида “Заковат” интеллектуал ўйини ўтказилди
Миллий гвардия Жиззах минтақавий ўқув марказида доимий шахсий таркиб ҳамда тингловчиларнинг ўзбек адабиёти, бой тарихи ва маданиятини кенг тарғиб қилиш, яқиндан таништириш ва тўпланган билимларини синовдан ўтказиш мақсадида куни кеча “Заковат” интеллектуал ўйини ўтказилди.
Унда марказда ташкил этилган ўқув йиғинида таҳсил олаётган офицерлардан тузилган жамоалар ўзаро беллашдилар. Беллашув қизғин ҳамда музокараларга бой тарзда ўтказилди.
Тадбирнинг бадиий қисмида иқтидорли тингловчилар томонидан тайёрланган саҳна чиқишлари тингловилар ва тадбир меҳмонларида илиқ таассурот қолдирди. Беллашувда тўпланган баллар ҳакамлар ҳайъати томонидан сарҳисоб қилиниб, якунда фахрли 3 ўринни бошланғич тайёргарлик курси тингловчиларининг “Темурбек издошлари” жамоаси, фахрли 2 ўринни қайта тайёрлов курси тингловчиларининг “Билимдонлар” жамоаси ҳамда фахрли 1 ўринни марказда ташкил этилган ўқув йиғинида таҳсил олаётган офицерлардан тузилган “Қалқон” жамоалари эгаллашди. Танлов якунида ғолиб ва совриндорларга марказ бошлиғининг фахрий ёрлиқ ва эсдалик совғалари топширилди.