Янгиликлар

Жиззах вилоят "Қўриқлаш" бошқармаси ходимлари ташаббуси билан куни кеча Ғаллаорол туманида жойлашган “Саъд ибн Абу Ваққос” зиёратгоҳи зиёратчилари учун камондан отиш спорти бўйича қизиқарли машғулотлар ўтказилди.

Дам олувчиларни соғлом турмуш тарзига кенгроқ жалб этиш ҳамда уларнинг саёҳатини янада қизиқарли ташкил этишларига кўмаклашиш мақсадида ташкил этилган баҳсларда катта-кичик бирдек иштирок этди. Асосийси инсонлар ўз саломатлиги ва спорт турларига бефарқ эмаслиги, нишонга олиш жараёнларида кўз моторикасининг яхши ривожланишига эришилиши ҳам тушунтирилди.

Қадимий тарихга эга ушбу спорт турига қизиқувчилар ўртасида ташкил этилган мусобақада иштирок этувчилар кун давомида кўпчиликни ташкил этиб, турли ҳудудлардан келган фуқаролар спорт орқали бир бирлари билан яқиндан танишиб,дўстлашиб ўзаро фикр алмашиб олдилар.