Янгиликлар

Куни кеча Сурхондарё вилоятида Миллий гвардия ҳарбий хизматчилари ҳамда "Қўриқлаш" бошқармаси ходимлари ва уларнинг оила аъзолари ўртасида “Янги Ўзбекистоннинг спортчи ҳарбийлар оиласи” шиори остидаги спорт мусобақаларининг вилоят босқичи бўлиб ўтди. Унда 8 та оила 4 та шарт бўйича ўзаро беллашдилар.
Оилавий жамоалар таништириш, ҳарбий хизматчи ва ходимларнинг турникда тортиниши, фарзандларнинг футбол дарвозасига копток тепиши, турмуш ўртоқларининг баскетбол тўпини тўрга ташлаши, қувноқ эстафета ҳамда камондан отиш спорт турларида ўз маҳоратларини намоён этдилар. Беллашув низомида белгиланганидек, иштирокчи оилалар ҳар бир шартни тўғри ва аниқ бажаришлари талаб этилди. Бунда уларнинг қанчалик эпчил ва чаққонликлари ҳам эътиборга олинди.
Якуний натижаларга кўра, ғолиб бўлган оилалар диплом ва эсдалик совғалари билан тақдирланди.