Янгиликлар

Миллий гвардия Тошкент вилояти бўйича бошқармаси ҳамда вилоят Ёшлар сиёсати ва спорт бошқармаси ҳамкорлигида Нурафшон шаҳрида мини-футбол ва камондан отиш спорт турлари бўйича мусобақалар ташкил этилди. Вилоятнинг барча туман ва шаҳарлардан ташриф буюрган жами 16 та жамоа иштирок этиб, ўзаро ғолиблик учун беллашишди.
Ҳар бир беллашув қизғин ва муросасиз баҳсларга бой ўтди. Мусобақаларни тажрибали спорт ҳакамлари одилона баҳолаб боришди. Мусобақаларнинг якунида мини-футбол спорт турида 3 ўринни Бекобод шаҳри, 2 ўринни Паркент тумани, 1 ўринни эса Ангрен шаҳри жамоалари қўлга киритишди. Шунингдек, камондан отиш спортида қизлар ўртасидаги баҳсларда барча совринли ўринларга Бекобод шаҳри жамоаси эгалик қилган бўлса, ўғил болалар ўртасида эса 3 ўрин Бекобод шаҳри, 2 ўрин Тошкент тумани ва фахрли 1 ўрин Ангрен шаҳри ёшларига насиб этди.
Тадбир сўнгида барча ғолиб ва совриндорлар муносиб рағбатлантирилди. Биринчиликни қўлга киритган жамоалар жорий йилнинг ноябрь ойида пойтахтимизда ўтказиладиган Миллий гвардия кубогининг республика босқичида иштирок этишади.