Янгиликлар
ХОДИМЛАР ЎРТАСИДА ҚИЗИҚАРЛИ ИНТЕЛЛЕКТУАЛ ЎЙИНИ БЎЛИБ ЎТДИ
Ўзбекистон Ёшлар иттифоқи Бухоро вилоят Кенгаши кубоги учун Бухоро вилоятидаги куч тузилмалар ўртасида Ўзбекистон Республикаси Конституцияси қабул қилинганлигининг 31 йиллиги муносабати билан "Сиз қонунни биласизми?" мавзусида заковат интеллектуал ўйини ўтказилди.
Қизғин ва муросасиз кечган ўйинда 6 та куч тузулмаларнинг жамоалари бир нечта шарт бўйича ўзаро беллашдилар. Қатнашчилар тезкор соҳага оид ва блиц-саволларга жавоб қайтариб, билим ва иқтидорларини синовдан ўтказдилар.
Баҳслар қизиқарли ҳамда рақобат руҳида ўтганидан иштирокчиларнинг хар бир шарт бўйича пухта тайёргарлик кўргани, уларнинг йўл ҳаракати қоидаларига ва соҳага оид янги қабул қилинаётган қонун, фармон, қарор ва идоравий норматив-ҳуқуқий ҳужжатларнинг мазмун ва моҳиятидан яхши хабардор эканлигини англаш мумкин.
Беллашув якунига кўра Миллий гвардия Бухоро вилояти “Қўриқлаш” бошқармаси жамоаси ғолиб деб топилди. Интеллектуал ўйинда фаол қатнашган иштирокчиларга эсдалик совға ва фахрий ёрликлар топширилди.