Янгиликлар

Сурхондарё вилояти Ички ишлар бошқармасининг таркибий ва ҳудудий бўлинмалари ўртасида спортнинг кураш тури бўйича вилоят Ички ишлар бошқармаси бошлиғи кубоги мусобақаси ўтказилди.

5 та вазн тоифасида ўтказилган мусобақада полвонлар муросасиз кескин курашлар олиб борди. Мусобақа жуда қизғин тарзда ташкиллаштирилиб, ҳакамлар ҳайъати томонидан ҳаққоний баҳолаб борилди. Якуний натижаларига кўра,

73-кг 1-ўринни Мухамматов Сайфиддин

81-кг 1-ўринни Жўраев Сарвар

90-кг 1-ўринни Қудратов Сирожиддин

100-кг 1-ўринни Ашуров Бегзод

+100-кг 1-ўринни Нодиров Зиядуллолар ўз вазн тоифаларида мусобақанинг мутлоқ ғолиблари бўлишди.

Ўтказилган кураш мусобақасининг “Энг яхши техника устаси” номинацияси бўйича – Сурхондарё вилояти Денов тумани ИИБ Жамоат хавфсизлиги хизмати Ҳуқуқбузарликлар профилактикаси бўлими профилактика катта инспектори подполковник Шуҳрат Бекмуродов, “Ғалабага бўлган интилиши” номинацияси бўйича – Сурхондарё вилояти ИИБ Тезкор вазифаларни бажарувчи сафарбарлик отряди катта мутахассиси кичик сержант Зиядулло Нодировлар муносиб деб, топилди.

Иштирок этган ходимлар ва совриндорлар, диплом, медал ҳамда қимматбаҳо эсдалик совғалари билан тақдирланишди.