Янгиликлар
Ходимларнинг диний фаолият билан боғлиқ билимларини мустаҳкамлаш мақсадида “Жаҳолатга қарши маърифат” мавзусида давра суҳбати ўтказилди
Миллий гвардия Хоразм вилояти "Қўриқлаш" бошқармаси шахсий таркиби учун ташкил этилган давра суҳбати қимматли маълумотларга бой тарзда ўтди. Тадбирда ходимлар орасида маърифат ва таълимнинг аҳамияти, жамиятдаги ижтимоий-ахлоқий муаммоларга қарши курашиш йўллари муҳокама қилинди. Давра суҳбати жараёнида, маърузачилар ва мутахассислар таълим олишнинг муҳимлиги, ёшларнинг қалбида маънавий ва ахлоқий қадриятларни шакллантириш ҳамда уларни жаҳолат ва салбий таъсирлардан ҳимоя қилишга қаратилган замонавий усуллар ҳақида ўз қарашларини билдиришди.
Мазкур давра суҳбатида Урганч давлат университети профессор-ўқитувчилари ҳам ўз маърузалари билан иштирок этдилар. Улар ўз нутқларида жамиятда маънавий-ахлоқий муҳитни яхшилаш, ёшлар тарбиясидаги энг муҳим аспектлар ва маърифатли жамият барпо этиш учун керак бўлган қадамлар ҳақида гапирдилар.
Бу каби тадбирлар орқали ходимлар нафақат ўз касбий кўникмаларини мустаҳкамлайдилар, балки жамиятдаги ижтимоий ва маънавий муаммоларга фаол муносабатда бўлишга ўрганадилар.