Янгиликлар

Миллий гвардия, Ўзбекистон Ёшлар иттифоқи Жиззах вилояти Кенгаши ва Жиззах Давлат педагогика университети ҳамкорлигида "Қўриқлаш" бошқармаси шахсий таркиби орасида “Заковат” интеллектуал ўйини ўтказилди.
Дастлаб, иштирокчиларнинг сиёсий-ҳуқуқий, ижтимоий-сиёсий билимларини ривожлантириш мақсадида “Қадринг баланд бўлсин, Она тилим” мавзусида маънавий-маърифий учрашув ташкил этилди. Шундан сўнг “Заковат” интеллектуал ўйинига старт берилди. Қизиқарли ҳамда баҳс-мунозарага бой бўлган интеллектуал ўйин тажрибали ҳакамлар томонидан одилона баҳоланиб борилди.
Интеллектуал ўйини якунига кўра 1 ўринни “Қалқон” жамоаси, 2 ўринни “Посбон” жамоаси, 3 ўринни “Тўмарис” жамоаси ғолибликни қўлга киритдилар ва ғолибларга ташкилотчиларнинг диплом ва эсдалик совғалари топширилди.