Янгиликлар
Миллий гвардия Хоразм вилояти "Қўриқлаш" бошқармаси ташаббуси билан “Янги Ўзбекистон ривожи учун барчамиздек бирдек масъулмиз” шиори остида давра суҳбати ўтказилди
Ўзбекистон Ёшлар иттифоқи Хоразм вилояти кенгаши ҳамда Миллий гвардия Хоразм вилояти "Қўриқлаш" бошқармаси билан ҳамкорликда ўтказилган ушбу давра суҳбати катта қизиқиш ва ҳамжиҳатликда ўтди. Мазкур тадбирнинг мақсади — мамлакатимизнинг янги ривожланиш босқичига хос ижтимоий, маданий ва маънавий қадриятларни кенг тарғиб қилиш ҳамда аҳолининг ҳар томонлама фаоллигини оширишдир.
Тадбирда ногиронлиги мавжуд спортчилар, кўзи ожизлар жамияти вакиллари, Миллий гвардия Хоразм вилояти "Қўриқлаш" бошқармаси ҳамда Урганч Ҳарбий прокуратураси ходимлари иштирок этишди. Бу одамлар ўзининг салоҳияти, интилишлари ва меҳнатлари билан намуна бўлиб, уларнинг ҳар бир қадамлари ривожланишга катта ҳисса қўшишда аҳамиятлидир. Давра суҳбатида уларнинг ҳаракатлари, муваффақиятлари ва ҳаётга бўлган жавобгарлик ҳислари иштирокчиларга катта илҳом бахш этди.
Бошқа иштирокчиларга, хусусан ёшларга, уларнинг ёрдамида янги мақсадларга эришиш йўлининг қандай бўлиши мумкинлиги ҳақида керакли маърузалар ва фикрлар билдирилди. Ушбу тадбир бугунги кунда соғлом фикрли ва ҳаракатчан, мамлакат ривожи учун масъулиятни ҳис қиладиган йигитлар ва қизларнинг шаклланишига хизмат қилади. Тадбир сўнгида иштирокчилар "Қўриқлаш" бошқармасининг ташаккурномаси ва эсдалик совғалари билан тақдирландилар.