Янгиликлар

Олдин хабар берганимиздек, жорий йилнинг 21-25 февраль кунлари Бағдод шаҳрида (Ироқ) камондан отиш бўйича Осиё кубогининг биринчи босқичи бўлиб ўтди.
Камондан отиш миллий терма жамоамиз вакиллари ушбу нуфузли мусобақаларда муносиб иштирок этиб, совринли ўринларни эгаллашди.
Осиё кубогининг биринчи босқичининг якуний натижаларига кўра:
1. Абдусатторова Зиёдахон, Хамроева Нилуфар ва Нурманова Жасмина аёллар ўртасида жамоа биринчилиги йўналиши бўйича 2 ўринни эгаллашди;
2. Садиков Амирхон, Чен Яо Юй ва Абдулхамидов Шохжахон эркаклар ўртасида жамоа биринчилиги йўналиши бўйича 3 ўринни эгаллашди;
3. Абдусатторова Зиёдахон ва Садиков Амирхон MIX йўналишида 3 ўрин учун эгаллашди;
4. Хамроева Нилуфар яккалик йўналиши бўйича 3 ўринни қўлга киритди, унинг рақиби Абдусатторова Зиёдахон 4 ўринни эгаллади;
5. Садиков Амирхон яккалик йўналиши бўйича 3 ўринни қўлга киритди.
Мерганларимизни ушбу халқаро мусобақадаги катта ғалаба билан чин юракдан муборакбод этамиз!