Янгиликлар

Жиззах вилояти Қўриқлаш бошқармаси бошлиғи полковник О.Амиров Жиззах шаҳар Қўриқлаш бўлимига ташриф буюриб, эрталабки йўриқнома ўтказди. Тадбир аввалида шахсий таркибни меъёрий ҳужжатларнинг долзарб талаблари билан таништириб, хизматни ташкил этиш бўйича асосий вазифаларни белгилаб берди. Шундан сўнг саф кўриги ўтказилиб, ходимларнинг ташқи кўриниши ва кийим-кечаклари баҳоланди.

Назарий қисмдан сўнг полковник қўриқланаётган объектлардаги ишларни шахсан ўзи текширди: постларнинг жойлашувини таҳлил қилди, ходимлар учун яратилган шароитларни баҳолади. Кўрик якунлари бўйича аниқланган камчиликларни бартараф этишнинг аниқ муддатлари ва қўриқлаш самарадорлигини ошириш бўйича тавсиялар билан масъул шахсларга топшириқлар берилди.