Янгиликлар

Кутубхонага ёки китобга бўлган муносабат нафақат инсоннинг интеллектуал жаҳонга, балки маънавий ривожланишига ҳам катта таъсир кўрсатади. Шундай экан, китобхонлик маданиятини ривожлантириш ҳар бир ижтимоий тузилма учун муҳим аҳамиятга эга.
Ходимлар орасида китобхонлик маданиятини янада тараққий эттириш ва уларни бадиий адабиётга бўлган қизиқишни кучайтириш мақсадида, куни кеча Тошкент ва Жиззах вилоятлари, шунингдек Қорақалпоғистон Республикаси Қўриқлаш бошқармалари ходимлари учун марказий кутубхоналарга ташрифлар ташкил этилди.
Бу ташрифлар, албатта, китобхонликни рағбатлантириш ва адабий меросга бўлган ҳурматни оширишга хизмат қилди. Саёҳатлар давомида, кутубхоналар мутахассислари ходимларга адабиётнинг энг соф ва ёрқин намуналари ҳақида маълумотлар беришди. Улар жаҳон адабиётининг дурдоналари, ўзбек классик адабиёти, шунингдек, махсус соҳавий адабиётлар билан чуқурроқ танишиш имкониятига эга бўлишди. Кутубхоналардаги ҳар бир китоб – ўзининг ўзига хос улуғ ва беқарор ҳикоясини айтиб, ўзбек ва жаҳон адабиётининг мазмунли ва руҳий бойлигини кенг тарқатишга хизмат қилмоқда.
Ходимлар ўзларининг фикр ва хулосаларида китобнинг ҳаётнинг энг олис ва қоронғи йўлларига нур бахш эта оладиган афсонавий чироқ эканлигини таъкидладилар. Китобнинг инсонни маънавий камолотига олиб боришга ва ҳар бир саҳифа орқали янги гўзаллик ва билимларни ачишга қодир эканлиги ҳақидаги фикрлар алоҳида аҳамият касб этди. Улар бу ташрифлардан илҳом олиб, китобларнинг ҳаётларидаги аҳамияти ва инсонни йўлга солишдаги ролини янада чуқурроқ тушуна бошладилар.