Yangiliklar

Xorazm viloyatida “Chilonzor tajribasi” asosida xavfsiz muhitni yaratish boʻyicha belgilangan chora-tadbirlar hamda ularning amaliy ijrosi yuzasidan IIB rahbariyati va masʼullari hamda idora-tashkilotlarda ushbu yoʻnalish uchun masʼul xodimlar ishtirokida kengaytirilgan yigʻilish boʻlib oʻtdi.

Yigʻilishda Xorazm viloyati Qoʻriqlash xizmati boshligʻi, polkovnik T.E.Kazakov soʻzga chiqib, hududlarda jinoyat va huquqbuzarliklarning oldini olishda qoʻriqlash-signalizatsiya vositalarining bugungi kundagi ahamiyati va samarali jihatlari haqida batafsil maʼlumot berdi.

Shuningdek, mazkur signalizatsiya vositalarini oʻrnatish ishlarini yanada kengaytirish, aholi oʻrtasida profilaktik targʻibot tadbirlarini kuchaytirish zarurligi alohida taʼkidlandi.