Yangiliklar

Toshkent viloyati Boʻstonliq tumanidagi Qoʻriqlash Departamentining "Kamalak" bolalar oromgohida oʻgʻil-qizlar uchun maʼnaviy-maʼrifiy va sport tadbirlari tashkil etilmoqda.

Jumladan, bolalarning sport va intellektual qobiliyatlarini namoyish etishga yordam beruvchi turli musobaqalarni oʻtkazishga alohida eʼtibor qaratilmoqda. Har yili oʻtkaziladigan spartakiada, tanlov va olimpiadalar iqtidorli bolalarni aniqlash, ularda raqobat ruhi, gʻoliblikka intilish va jamoada ishlash qobiliyatini rivojlantirishga xizmat qiladi. Bunday musobaqalar nafaqat jismoniy salomatlikni mustahkamlaydi, balki muhim hayotiy koʻnikmalarni ham shakllantiradi, qiyinchiliklarni yengib oʻtishga va gʻalaba ham, magʻlubiyat hamni munosib qabul qilishga oʻrgatadi.

Bunday tadbirlar bolalarda vatanparvarlik tuygʻusini shakllantirishda muhim oʻrin tutadi. Ular yosh avlodni Vatanga, oʻz xalqiga muhabbat, mamlakatimizga masʼuliyat va faxr tuygʻularini yuksaltirishga koʻmaklashadi.