Yangiliklar

Bugungi kunda yoshlarni jismonan sogʻlom, maʼnan yetuk va vatanparvarlik ruhida tarbiyalash davlat siyosatining ustuvor yoʻnalishlaridan biri hisoblanadi. Shu maqsadda, Milliy gvardiya Namangan viloyati "Qoʻriqlash" boshqarmasi tomonidan taʼlim muassasalari bilan hamkorlikda tizimli ravishda maʼnaviy-maʼrifiy va sport tadbirlari oʻtkazib kelinmoqda.

Kuni kecha ana shunday tadbirlardan biri Namangan viloyati Muhandislik-texnologiya institutida boʻlib oʻtdi. Tadbir doirasida talaba yoshlar oʻrtasida futbol boʻyicha institut birinchiligi musobaqasi tashkil etildi. Mazkur musobaqa yoshlarning jismoniy tayyorgarligini oshirish, jamoaviylik hissini kuchaytirish va ularni sogʻlom turmush tarziga yoʻnaltirishga qaratilgan boʻldi.

Musobaqada institutning turli fakultetlaridan tuzilgan jamoalar ishtirok etishdi. Oʻyinlar qizgʻin va raqobatli kechdi, har bir jamoa oʻz mahorati va jismoniy qobiliyatini namoyon qildi. Yakunda esa gʻoliblarga esdalik sovgʻalari va diplomlar taqdim etildi.