Yangiliklar
Toshkent viloyati Qoʻriqlash boshqarmasi xodimlari uchun madaniy va tarixiy joylarga sayohat uyushtirildi
Kuni kecha Toshkent viloyati Qoʻriqlash boshqarmasi xodimlari uchun "Yangi Oʻzbekiston" bogʻi, Temuriylar tarixi davlat muzeyi, Islom Karimov nomidagi ilmiy-maʼrifiy majmua, “Shahidlar xotirasi” yodgorlik majmuasiga kabi madaniy va tarixiy joylarga sayohat uyushtirildi. Ushbu tadbir shaxsiy tarkib uchun respublikamizning tarixi va madaniyati haqidagi bilimlarini oshirish, shuningdek, boʻsh vaqtlarini mazmunli oʻtkazish uchun ajoyib imkoniyat boʻldi.
Safar davomida xodimlar Oʻzbekiston merosi va anʼanalarini yaxshiroq tushunib, taassurotlar bilan oʻrtoqlashishdi va olingan maʼlumotlarni kelgusi ishlarida qanday qoʻllash mumkinligini muhokama qilishdi.
Bunday tadbirlar nafaqat madaniy xabardorlikni oshirishga, balki jamoaviy ruhni mustahkamlashga ham xizmat qiladi. Ishtirokchilarning har biri nafaqat yangi narsalarni oʻrganish, balki tarixiy xotiraning kelajak avlodlar uchun ahamiyati haqida fikr yuritish imkoniyatiga ega boʻldi.