Yangiliklar

Shaxsiy tarkib oʻrtasida xizmat intizomi va qonunchilikni mustahkamlash, qonun buzilishi holatlariga nisbatan murosasiz munosabatda boʻlish muhitini yaratish, turli xildagi koʻngilsiz holatlar sodir etilishining oldini olish borasidagi ishlar hamda Huquqbuzarliklar profilaktikasi kuni doirasida Fargʻona va Namangan viloyatlari "Qoʻriqlash" boshqarmalarida profilaktik uchrashuvlar tashkil etildi.
Tadbirlarda "Qoʻriqlash" bosh boshqarmasi Tarbiyaviy va madaniy maʼrifiy ishlar boshqarmasi boshligʻi polkovnik SH.Saidov va masʼul xodimlar ishtirok etib, xizmat intizomi va huquq tartibotini mustahkamlash, shaxsiy tarkibni hayotini va sogʻligini asrash, yoʻl-transport hodisalari hamda qonun buzilishi holatlarini oldini olish har bir kishining vazifasi ekanligi taʼkidladi. Bundan tashqari, shaxsiy tarkibga turli ijtimoiy tarmoqlarga aʼzo boʻlishning salbiy oqibatlari, oilaviy nizolar va ajrimlar toʻgʻrisida tushunchalar berib oʻtildi.
Tadbir yakunida qatnashchilar oʻzlarining qiziqtirgan savollarga batafsil javob oldilar.