Yangiliklar

Maktablarda faoliyat yuritayotgan idoraviy qorovullik bo‘linmalarining huquqbuzarliklarning oldini olishda huquqni muhofaza qiluvchi organlar bilan hamkorlik qilish mexanizmini takomillashtirishni bugungi globallashgan zamonda vaziyatning o‘zi talab etmoqda.

Qo‘riqlanayotgan obyektlarda jinoyat, huquqbuzarliklar va boshqa favqulodda vaziyatlarda hududiy huquqni muhofaza qiluvchi organlariga xabar berish tartiblari bilan esa har bir idoraviy qorovullik bo‘linmalarining xodimlari boxabar bo‘lishlari lozim.

Sirdaryo viloyati “Qo‘riqlash” boshqarmasi tomonidan Guliston shahridagi umumta’lim maktablarining xo‘jalik ishlari bo‘yicha o‘rinbosarlari hamda idoraviy qorovullari ishtirokida davra suhbati tashkil etildi.

Unda umumta’lim maktablarida jamoat hamda o‘quvchilar xavfsizligini ta’minlash va huquqbuzarliklarning oldini olishda, yigit-qizlar orasida sodir bo‘lishi mumkin bo‘lgan ko‘ngilsiz holatlarning oldini olishda ahamiyat qaratish lozim bo‘lgan jihatlar haqida so‘z bordi.

Ochiq muloqotlar davomida davlat organlari va tashkilotlari idoraviy qorovullik bo‘linmalarining faoliyati samaradorligini oshirish lozimli ham qayd etildi.