Янгиликлар

Аввал хабар берганимиздек, Тошкент вилоятининг Нурафшон шаҳрида эркаклар ва аёллар ўртасида спортнинг камондан отиш тури бўйича Ўзбекистон чемпионатига старт берилган эди. Бугун ушбу нуфузли мусобақанинг финал баҳслари бўлиб ўтди.
Қизғин ва муросасиз баҳсларга бой бўлган мусобақада, ҳар бир иштирокчи белгиланган нишонларни аниқ забт этишга ҳаракат қилишиб, совриндорлар қаторидан ўрин олишга интилдилар.
Ташкил этилган ажойиб концерт дастури эса спортчиларнинг кайфиятини янада кўтаринки бўлишига кўмаклашди.
Якуний натижаларга кўра Самарқанд вилояти вакиллари ушбу спорт турида энг моҳир эканликларини исботлаб шоҳсупанинг юқорисидан жой олдилар.
36 та совринли ўрин учун кураш олиб борган спортчилар орасидан ҳар бир йўналиш доирасида кучлилар номи аниқланди. Белгиланган йўналишларда ғолибликни қўлга киритган иштирокчиларга тантанали тарзда эсдалик совғалари ва фахрий ёрлиқлар топширилди.