Янгиликлар

Самарқанд туманидаги умумтаълим мактаблари ўқувчи ёшлари ўртасида «Ёш гвардиячи» кўрик-танлови бўлиб ўтди.

Мусобақанинг саралаш босқичида қатнашган жами 8 та жамоа низомда келтирилган турли шартлар бўйича ўзаро куч синашишди. Жамоалар сафда юриш, гуруҳни таништириш, савол жавоб, 100 метрга югуриш, турникда тортилиш ва арқон тортиш каби шартларда ким чаққон ва ким билимдон эканлигини кўрсатишди. Қизиқарли ва муросасиз кечган беллашув якунида ғолиб деб эълон қилинганлар ташкилотчиларнинг диплом ва эсдалик совғалари билан тақдирланишди.

Мусобақада фахрли биринчи ўринни қўлга киритган жамоа 24 март куни бўлиб ўтиши режалаштирилган «Ёш гвардиячи» кўрик-танловининг вилоят босқичида иштирок этиш имкониятини қўлга киритди.