Янгиликлар

Андижон ва Сирдарё вилоятлари Ички ишлар ҳамда Қўриқлаш бошқармалари ходимлари томонидан аҳолига замонавий қўриқлов сигнализация воситаларини ўрнатишнинг афзалликлари, тадбиркорлар ва фуқаролар учун қулайликлари тўғрисида атрофлича маълумотлар берилди.
Мутасаддилар томонидан маҳаллаларни жиноятдан ҳоли қилиш ва ҳар бир кўча, кўп қаватли уйлар, савдо ва хизмат кўрсатиш объектларини замонавий кузатув камералари билан жиҳозлаш муҳимлиги таъкидланди. Шунингдек, фуқаролар ўз хонадонини қўриқлаш хизматига топшириш учун шартномалар тузилиб, уларнинг хавфсизлигини таъминлаш мақсадида қўриқлашга олинди.
Бундан ташқари, жамоат транспорти автобусларига ташвиш тугмачалари ўрнатилиши ва хизмат кўрсатиш тартиблари, афзалликлари ҳақида тадбиркорлар ва фуқароларга маълумотлар берилди. Хавфсизлик тизимини мукаммаллаштиради ва фуқароларга тинч ва хавфсиз ҳаёт кечириш имконини яратади.