Янгиликлар

Мамлакатимизда амалга оширилаётган кенг кўламли ислоҳотлар доирасида аҳолининг тинч ва осойишта ҳаётини таъминлаш ҳамда жамиятимизда қонунга итоаткорлик ва жамоат хавфсизлиги маданиятини шакллантиришга алоҳида эътибор қаратилмоқда. Жумладан, жамоат хавфсизлигини таъминлаш йўналишидаги ишларни “Халқ манфаатларига хизмат қилиш” тамойили асосида ташкил этишнинг мутлақо янги механизм ва тартиблари жорий этилиб, давлат органларининг жамоатчилик тузилмалари билан ўзаро мақсадли ҳамкорлиги йўлга қўйилди. Шу билан бирга, жаҳонда кучайиб бораётган турли хавф-хатар ва зиддиятлар, эл-юрт тинчлиги ва осойишталигига таҳдидлар, табиий ва техноген офатлар масъул давлат тузилмаларига ўз фаолиятини “Барча саъй-ҳаракатлар инсон қадри учун” деган устувор ғоя асосида янада такомиллаштириш вазифасини юкламоқда. Жаҳон миқёсида минтақавий ва локал ҳарбий ҳаракатлар, сайёрамизда кузатилган сўнгги қонли тўқнашувлар бизни яна бир бор огоҳликка чақириб, бу офат бутун инсониятнинг заиф жиҳатларини яққол кўрсатди. Ҳозирги таҳликали ва мураккаб вазият эр юзидаги барча давлатлар ва халқлар ўзаро боғлиқ эканини, ўртамизда мунтазам мулоқот, ишонч ва яқин ҳамкорлик ўта муҳимлигини исботлади. Ўзбекистонда ислоҳотлар шароитида жамоат хавфсизлигини таъминлаш соҳасидаги долзарб муаммоларни илмий амалий ўрганиш, таҳлил қилиш, халқаро ва хорижий тажрибалар юзасидан ўзаро фикр алмашиш, шунингдек миллий қонунчилик ва ҳуқуқни қўллаш амалиётини такомиллаштириш мақсадида Ўзбекистон Республикаси Жамоат хавфсизлиги университетида «Объектларнинг мажмуавий хавфсизлик тизимлари, натижа ва истиқболлар: халқаро тажриба» мавзусида халқаро илмий-амалий конференция ўтказилди. Конференцияда миллий таълим, илмий ташкилотлари билан бир қаторда Хитой Халқ Демократик Республикасининг бир қанча дунё миқёсидаги етакчи компанияларининг вакиллари, Россия Федерацияси, Қозоғистон республикаси ва бошқа давлатларнинг олий ҳарбий таълим муассасалари ва профессор-ўқитувчилари, докторантлари, мустақил изланувчилари, булардан ташқари, Ўзбекистон Республикаси Ички ишлар вазирлиги, Ўзбекистон Республикаси IIV академияси, Ўзбекистон Республикаси Қуролли Кучлари Академияси, Ўзбекистон Республикаси ФВВ Академияси, Ўзбекистон Республикаси MV АКТ ва АҲ институти, Ўзбекистон Республикаси IIV Қоровул қўшинлари, Ўзбекистон Республикаси Миллий гвардияси Қўриқлаш Бош бошқармаси, Ўзбекистон Республикаси IIV Ҳарбий тузилмалар фаолиятини таъминлаш базаси, Мирзо Улуғбек номидаги Ўзбекистон Миллий университети, Ислом Каримов номидаги Тошкент давлат техника университети, Ўзбекистон Республикаси Миллий гвардияси Қорақалпоғистон Республикаси минтақавий ўқув маркази, Ўзбекистон Республикаси Миллий гвардияси Фарғона минтақавий ўқув маркази, Ўзбекистон Республикаси Миллий гвардияси Жиззах минтақавий ўқув маркази ва Ўзбекистон Республикаси Миллий гвардияси Ихтисослаштирилган ўқув маркази профессор-ўқитувчилари, докторантлари, мустақил изланувчилари, курсантлари ва оммавий ахборот воситалари вакиллари иштирок этди.

Конференцияни қуйидаги режа-сценарий асосида ўтказилди:

Конференцияни Ўзбекистон Республикаси Жамоат хавфсизлиги университети Ўқув услубий бошқармаси бошлиғи, техника фанлари бўйича фалсафа доктори, доцент, полковник Ачилов Фарход Багадирович кириш сўзи билан очиб берди.

Конференцияда Хитой Халқ Республикаси «HIKVISION» компанияси Projekt Solution Engineer жаноб Е ЖИАШЕНГ, «Safe And Smart City Solution» мавзусида маъруза қилди;

Россия Федерацияси Иркутск шаҳри «SOKRAT» қўриқлаш бюроси маркетинг бўлими бошлиғи, Андрей Владимирович Степанов «Интегрированная система безопасности PRITOK-A» мавзусида маъруза қилди;

Қозоғистон Республикаси Алмати шаҳри, «AXIS Communications» компанияси калитли мижозлар билан ишлар бўйича менежери Мейрамбек Атеев «Innovating for a smarter, safer world» мавзусида маъруза қилди;

Россия Федерацияси Москва шаҳри «TwinPro» МЧЖнинг сотувни қўллаб қувватлаш йўналиши раҳбари Фомечов Павел Владимирович, компаниялар гуруҳи лойиҳасининг раҳбари Игор Владимирович Зубков, «TwinPro Project Produkts. Комплексные решения для обеспечения безопасности на объекте» мавзусида маъруза қилди;

Ўзбекистон Республикаси Ички ишлар вазирлиги Малака ошириш институти «Ахборот технологиялари» цикли бошлиғи, полковник Эркин Элмирович Марупов, «Роль ситуационных центров при обеспечении охраны объектов» мавзусида маъруза қилди;

«Haytera» компанияси вакили Ўзбекистон Республикаси «ELEKTROAPPARAT» МЧЖ бош менежери Евгений Валерейвич Миркулов, «Обеспечение радиосвязи в подразделениях общественной безопасности: текущее состояние и перспективы развития» мавзусида маъруза қилди;

Ўзбекистон Республикаси Жамоат хавфсизлиги университети “Қўриқлашни муҳандислик-техник таъминлаш кафедра”си доценти, техника фанлари бўйича фалсафа доктори, доцент, полковник Андрей Юрьевич Пен «Ключевые проблемы в подготовке военных кадров по техническим дисциплинам» мавзусида маъруза қилди;

Конференция давомида маърузачилар конференция иштирокчилари томонидан берилган саволларга жавоблар беришди, конференция кун тартибига қўйилган масалалар қизғин муҳокама қилинди.

Анжуман ўзаро баҳс-мунозараларга бой тарзда ўтди. Конференция якунида иштирокчилар томонидан жамоат хавфсизлигини таъминлашда қўриқлаш фаолиятини техник такомиллаштириш юзасидан таклиф ва тавсиялар ишлаб чиқилди. Бундай тадбирларнинг мунтазам ўтказиб борилиши ўта муҳим, тоифаланган ва бошқа объектларни қўриқланишини таъминловчи, сифат жиҳатидан янги тизимни жорий этиш алоҳида таъкидланди.

Конференция якунида Университет “Қўриқлашни муҳандислик-техник таъминлаш” кафедраси махсус ўқув синфлари ва лаборатория хоналарининг замонавий муҳандислик-техник қўриқлаш воситалари билан жиҳозланганлиги ва шу билан бир қаторда Университет Ҳарбий илмий жамияти қошида кафедранинг малакали профессор ва ўқитувчилари таркиби бошчилигида мутахассис курсантлари рационализаторлик ва ихтиро ишларини намойиш этилди.