Toshkent mintaqaviy

Huquqbuzarliklar profilaktikasi munosabati bilan Toshkent mintaqaviy oʻquv markazi shaxsiy tarkibi hamda tinglovchilari oʻrtasida yoʻl harakati sohasidagi bilim va amaliy koʻnikmalarini oshirish, yoʻl-transport hodisalarining oldini olish hamda haydovchilik madaniyatini yuksaltirish maqsadida profilaktik mashgʻulot boʻlib oʻtdi.

Mashgʻulot davomida ishtirokchilar YHQ boʻyicha bilimlarini yangiladilar va qonunchilikdagi soʻnggi oʻzgarishlarni tahlil qildilar. Haqiqiy YTHlar tahliliga alohida eʼtibor qaratildi: hodisalarning sabablari va ularning oldini olish usullari birgalikda muhokama qilindi.

Amaliy qism xavfsiz manyovr qilish koʻnikmalarini, xususan, favqulodda tormozlash va turli sharoitlarda optimal masofa va tezlikni tanlash koʻnikmalarini oʻz ichiga oldi. Shuningdek, haydashning axloqiy jihatlari: yoʻlda oʻzaro hurmat va barcha harakat ishtirokchilarining xavfsizligi uchun shaxsiy javobgarlik haqida soʻz yuritildi.

Mashgʻulotning asosiy mavzulari - tezlik rejimiga rioya qilish, chorrahalar va piyodalar oʻtish joylaridan oʻtish qoidalari, quvib oʻtish va qayta saflanishlarni xavfsiz bajarish, murakkab ob-havo sharoitida haydash xususiyatlari. TTni charchagan holatda yoki reaksiyani yomonlashtiruvchi moddalar taʼsirida boshqarishga yoʻl qoʻyib boʻlmasligi alohida taʼkidlandi.

Yakunda esa ishtirokchilar xavfsiz haydash uchun zarur boʻlgan bilim va koʻnikmalarni mustahkamladilar. Markaz rahbariyati yoʻl-transport hodisalari xavfini kamaytirish va haydovchilik madaniyatini mustahkamlash uchun bunday tadbirlarni muntazam ravishda oʻtkazishni rejalashtirmoqda.